Popular Bible Verses from Jeremias 17

Share

“Kundi pagpapakaupayon ko an tawo nga nasarig ha akon. Sugad hiya hin usa nga kahoy nga naturok ha ligid hin sapa, ngan naabot an iya mga gamot ngadto han tubig. Diri ini nahahadlok kon naabot an katsirak, kay dayuday lapyo an iya mga dahon; diri ini nababaraka kon waray uran; nagpapadayon ini hin pagbunga.

“Hin-o an makakasabot han kasingkasing han tawo? Waray na gud masugad hini hin kamalimbong; ngan labi ini hin kamaraot.

Ako nga GINOO an nag-uusisa han mga hunahuna, ngan nagsasari han mga kasingkasing han mga tawo. Gindudumara ko an kada tawo sumala han paagi han iya kinabuhi, ug sumala han iya binubuhat.”

Nasiring an GINOO, “Pagsisirotan ko an tawo nga nabaya ha akon, ngan nasarig hin tawo, dida hin kusog hin tawo nga may kamatayon. Sugad hiya hin usa nga tanom didto han kamingawan, nga naturok didto han mamara nga tuna, ha maasin nga tuna nga waray gud iba nga tanom nga naturok. Waray gud kaupayan nga makukuha ha iya.

O GINOO, bulnga ako ngan mag-uupay gud ako; bawia ako ngan magagawas ako ha karat-an. Amo ikaw an akon gindadayaw!