Popular Bible Verses from Santiago 3

Share

Kundi una han ngatanan, putli an kinaadman nga tikang sa Dyos: malinawon, mapuangoron, ngan makisasangkayon; puno hin pagkalooy ngan nabunga hin mag-upay nga mga buhat; waray pinalabi ngan diri malabyaw.

May-ada ba usa ha iyo nga may-ada kinaadman ngan hibaro? Kinahanglan hikit-an ini pinaagi han iya maupay nga kinabuhi, ngan pinaagi han iya mag-upay nga mga buhat nga gintutuman dida hin pagpaubos ngan ha kamaaram.

Ngan an pagkamatadong amo an naaani nga bunga han mga binhe nga itinatanom han mga nagbubuhat dida hin kalinaw.

Kon hain an pangabugho ngan kahalot, aadto man an kasamok ngan ngatanan nga karat-an.

Ginagamit ta an dila hin pagpasalamat han aton Ginoo ngan Amay, ngan ginagamit ta liwat pagpakaraot han aton igkasi-tawo nga ginhimo nga ladawan han Dyos. Naguwa ha usa la nga baba in mga pulong hin pagpasalamat ngan pagpakaraot. Kabugtoan ko, diri ini angay mahinabo!

Ngan sugad hin kalayo an dila. Usa ini nga katig-oban han ngatanan nga karat-an; usa la nga bahin han aton lawas kundi nagpapasarang hin karat-an ha aton bug-os nga pagkatawo. Ginsusuritan hini an bug-os naton nga kinabuhi han kalayo nga natikang ha impyerno ngahaw.

Kundi waray pa gud tawo nga nakagpaanad han dila. Maraot ngan makuri kapugngan, ngan puno hin makamaratay nga hilo.

Kabugtoan ko, diri damo ha iyo in magin magturutdo, kay maaram kamo nga kita nga mga magturutdo paghuhukman hin masigpit kay han iba.