Popular Bible Verses from Isaias 65

Share

Bisan diri pa nahuhuman an pag-ampo nira ha akon, babatonon ko na an ira mga pag-ampo.

Nagsiring an GINOO, “Naghihimo ako hin bag-o nga tuna ngan bag-o nga kalangitan. Hingangalimtan hin hingpit an nag-agi nga mga hinabo.

Magmamainuswagon an ira mga ginbubuhat, ngan diri mahingangadto hin karat-an an ira mga anak. Pagpapakaupayon ko hira ngan an ira mga tulin ha ngatanan nga panahon nga tiarabot.

Magbabalay an mga tawo ngan pag-uokyan ini nira; diri ini gagamiton hin iba nga tawo. Magtatanom hira hin mga urubasan ngan magpupulos hira han bino—diri ini pag-iimnon hin iba. Sugad hin lanyog nga mga kahoy, malalagas an akon mga tawo. Pagpapahimulosan gud nira an mga butang nga ira ginkabudlayan.

Diri na mapatay an kabataan nga minasus-an pa la, ngan hilawig an kinabuhi han ngatanan nga mga tawo. Pag-iisipon nga batan-on pa adton mga 100 na an panuigon. Magigin tigaman han akon pagkastigo ha ira an kamatay nga diri pa maabot hito nga panuigon.

Magsasaro an mga lubo ngan an mga nati nga karnero; makaon hin uhot an mga liyon sugad han mga baka, ngan diri na gud makaharadlok an mga halas. Waray na madarahog o maraot didto ha Sion, an akon baraan nga pungtod.”

Marayhak gud ako ngahaw tungod han Jerusalem ngan han iya mga tawo. Mawawaray na pagtangis didto, waray na pagtawag hin pakibulig.