Popular Bible Verses from Isaias 6

Share

Niyan hinbatian ko an Ginoo nga nasiring, “Hin-o an akon susugoon? Hin-o an amon magigin magsarangyaw?” Binmaton ako, “Ako an makadto! Sugoa ako!”

Nagbabatonbaton hira: “Baraan, baraan, baraan! Baraan an GINOO nga Labi Kamakagarahum! An iya himaya nakakapuno ha kalibutan.”

Nagsiring ako, “Waray na ako paglaom. Kamakalolooy ko kay salaan an tagsa nga pulong nga nagawas han akon mga im-im ngan nag-uokoy ako tampo hin mga tawo nga salaan an tagsa nira nga pulong. Ngan bisan pa ngani, hini hinkit-an ko han akon kalugaringon nga mga mata an Hadi nga GINOO nga Labi Kamakagarahum!”

Dida han tuig nga namatyan ni Hadi Oseas hinkit-an ko an Ginoo. Nalingkod hiya dida han iya trono nga hitaas ngan mahimayaon, ngan an iya kapa nakaluob han bug-os nga Templo.

Dinapatan niya han naglalaga nga baga an akon mga im-im ngan nagsiring, “Dinmapat ini han imo mga im-im, ngan yana nakuha na an imo kasal-anan ngan ginpasaylo na an imo mga sala.”

Natukdaw palibot ha iya in maranggat nga mga binuhat, nga may tag-unom nga mga pako an kada usa. An duha nga pako natahob han bayhon han kada usa nga binuhat, ngan duha liwat nga pako natahob han lawas niya, ngan an duha pa liwat nga pako ginagamit niya hin paglupad.

Niyan linmupad ngadi ha akon in usa han mga binuhat. Nagdara hiya hin baga nga iya kinuha tikang han altar pinaagi hin kimpit.

Sanglit ginpalakat ako niya ngan ginpahatag ini nga mensahe ngadto han mga tawo: “Bisan unanhon niyo hin pagpinamati, diri kamo makakasabot. Bisan unanhon niyo hin pagkinita, diri kamo mahibabaro han nahinanabo.”

Niyan nagsiring hiya ha akon, “Pakubali an mga hunahuna hini nga mga tawo, himoa nga mabungol an ira mga durunggan, ngan mabuta an ira mga mata, basi diri hira makakita o makabati o makasabot. Kay kon makakita, makabati o makasabot hira, bangin bumalik hira ha akon ngan tambalon ko hira.”