Popular Bible Verses from Isaias 54

Share

Kundi waray hinganiban nga makakadaot ha imo; makakabaton ka han ngatanan nga nagsusumbong ha imo, Pananalipdan ko an akon mga surugoon, ngan ihahatag ko ha ira an pagdarag-an.” An GINOO an nagyakan.

Marurumpag pa an kabukiran ngan kapungtoran, kundi diri gud matatapos an akon paghigugma ha imo; pagtutumanon ko ha kadayonan an akon saad hin kalinaw.” Amo ini an siring han GINOO nga nahigugma ha imo.

Ayaw kahadlok—diri ka na pagpapakaalohan; diri ka na maaawod. Hingangalimtan mo an imo kamalingo sugad hin batan-on nga asawa; ngan an imo makahurulop nga pag-usaan sugad hin balo nga babaye.

Masusugad hin imo bana an imo Magturuha— an GINOO nga Labi Kamakagarahum amo an iya ngaran! Tutubson ka han baraan nga Dyos han Israel— amo hiya an punoan han bug-os nga kalibutan.

Padarudakoa an tulda nga imo inuokyan; pahiruhilab-i an iya mga pisi ngan parig-ona an mga usok!

“Ako ngahaw an magtututdo han imo mga tawo, ngan maghahatag ha ira hin kauswagan ngan kalinaw.

Tinmalikod ako nga nasisina hin madaliay la; kundi hihigugmaon ko na ikaw ha kadayonan.” Amo ini an siring han GINOO nga magtutubos ha imo.

“Binayaan ko ikaw hin usa la kadali; kukuhaon ko ikaw pinaagi hin dako nga paghigugma.

“Dida han panahon ni Noe nagsaad ako nga diri ko na gud paglulunopan an tuna. Yana nagsasaad ako nga diri na ako masisina ha imo; diri ako magsasaway o magkakastigo ha imo.

Mga rubi an ibubutang ko ha imo mga lantawan, ha imo mga ganghaan an mga bato nga mag-inggat nga nasilaw sugad hin kalayo, ngan mga alahas an pader nga palibot ha imo.