Popular Bible Verses from Isaias 51

Share

Nagsiring an GINOO, “Ako amo an nagliliaw ha iyo, Kay ano nga nahahadlok kamo hin tawo nga may-ada kamatayon nga sugad la hiya hin banwa?

Ginbitad ko an kalangitan ngan ginpahimutang ko an mga patukoranan han tuna; nasiring ako ngadto ha Jerusalem, ‘Akon kamo mga tawo! iginhatag ko ha iyo an akon pagturon-an, ngan pinanalipdan ko kamo pinaagi han akon kamot.’”

“Pamati ha akon, kamo nga maaram han matadong, kamo nga kinmarawat hin kinasingkasing gud han akon pagturon-an. Ayaw kamo kahadlok kon pagyuyubiton ngan pagtatamayon kamo han mga tawo

“Kalolooyan ko an Jerusalem, an ngatanan nga nag-uokoy didto han mga naruba han syudad. Bisan kon kamingawan na an iya tuna, hihimoon ko ini nga usa nga tanaman, sugad han tanaman nga akon gintanom didto ha Eden. Mahiaagian didto an kalipay ngan pagrayhak, ngan mga kanta hin pagdayaw ngan pagpasalamat ha akon.

Magkakaabot nga malipayon ngadto ha Jerusalem adton imo mga gintalwas, nga nagkakaranta ngan naggogogliat tungod hin kalipay. Magmamalipayon hira ha kadayonan, nga talwas na ha kadayonan tikang han kabidoan ug kasakitan.