Popular Bible Verses from Isaias 49

Share

Sanglit mabaton an GINOO, “Hinngangalimtan ba hin usa nga babaye an iya minasus-an, ngan diri ba niya hihigugmaon an bata nga iya gin-anak? Bisan hingalimtan hin usa nga iroy an iya anak, diri ko gud kamo hingangalimtan.

Jerusalem, diri ko gud ikaw hingangalimtan! Iginsurat ko an imo ngaran dida han palad han akon mga kamot.

Nabaton an GINOO, “Amo gud ito an mahinanabo. Kukuhaon an mga priso han sondalo, ngan aagawon an gintikas han mabangis nga tawo. Pakikiawayan ko an bisan hin-o nga makikiaway ha iyo, ngan tatalwason ko an iyo mga anak.

Nagsiring ha akon an GINOO, “May-ada ko darudako nga buruhaton para ha imo nga akon surugoon. Diri la nga ibabalik an kagamhanan han nanhisalin nga mga tawo han Israel, kundi hihimoon ko liwat ikaw nga kapawa ngadto han mga nasod— basi matalwas an bug-os nga kalibutan.”

Pagkanta, kalangitan! Goliat tungod hin kalipay, tuna! Pagkanta, kabukiran! Pagliliawon han GINOO an iya mga tawo; kalolooyan niya an iya nag-aantos nga mga tawo.