Popular Bible Verses from Isaias 45

Share

Tatagan ko ikaw hin mga manggad nga tikang hin magsirom ngan tago nga mga dapit; niyan mahibabaroan mo nga ako amo an GINOO, ngan nga gintawag ka han Dyos han Israel pinaagi han imo ngaran.

“Ako ngahaw an mag-aandam han imo aragian, an magpapatag han kabukiran ngan kapungtoran. Pagrurub-on ko in mga ganghaan nga bronse, ngan pamamarion ko an mga trangka nga puthaw.

“Amo ako an GINOO; waray na iba nga diyos, tatagan ko ikaw han kusog nga imo kinahanglan, bisan kon diri ka nakilala ha akon. Ginbubuhat ko ini basi mahibaro an ngatanan tikang ha usa nga kataposan han kalibutan ngadto ha luyo, nga ako amo an GINOO, ngan waray na gud iba nga diyos.

Gintuha ko an kapawa ug kasisidman; gindara ko in kaupayan ug karat-an. Ako nga GINOO an nagbuhat hini ngatanan nga mga butang.

“Balik kamo ngadi ha akon yana ngan matatalwas kamo, mga tawo ha bug-os nga kalibutan! Ako gudla amo an Dyos.

Ginpile han GINOO nga magin hadi hi Ciro. Gintudlok hiya basi pagsakopon niya in mga nasod; ginsugo hiya basi kahukasan an kahadian han ira gahom; bubuksan han GINOO an mga ganghaan hin mga syudad para ha iya. Nagsiring kan Ciro an GINOO

Matuod an akon saad, ngan diri ini maliliwat. Nagsusumpa ako ha akon kalugaringon; Madaraon an ngatanan ngan maluhod ha akon atubangan, ngan magsusumpa nga maunong hira ha akon.

Gintutudlok ko ikaw hin pagbulig han Israel nga akon surugoon, an mga tawo nga akon ginpili. Ginpasidunggan ko gud ikaw, bisan kon diri ka nakilala ha akon.