Popular Bible Verses from Isaias 43

Share

Bantayi an bag-o nga butang nga akon pagbubuhaton. Nahinanabo na ini—yana hikikit-an na niyo ini! Maghihimo ako hin dalan nga maglalatas han kamingawan, ngan didto tatagan ko kamo hin mga sapa hin tubig.

Kon maglatas ka hin higlarom nga katubigan, maupod ako ha imo; diri ka malulumos han imo mga kakurian. Kon umagi ka hin kalayo, diri ka masusunog; diri makakadaot ha imo an naabot nga magkuri nga mga pagsulay.

Kundi nasiring an GINOO, “Ayaw na panumdoma han inmagi nga mga hinabo o paghunahuna han nahinabo hin maiha na.

Israel, nagsiring an GINOO nga nagtuha ha imo, “Ayaw kahadlok kay gintubos ko ikaw, Gintawag ko ikaw pinaagi han imo ngaran kay akon ka na.

Igintubyan ko in bug-os nga kanasoran hin pagtalwas han imo kinabuhi, kay mahal ka ha akon, ngan kay nahigugma ako ha imo ngan karuyag ko hin pagpasidungog ha imo.

Kay ako amo an GINOO nga imo Dyos, an baraan nga Dyos han Israel, nga magtatalwas ha imo. Igintubyan ko an Ehipto nga lukat para ha imo; an Sudan ug Seba nga balyo ha imo.

Ayaw kahadlok kay kaupod mo ako! “Ibabalik ko an imo mga tawo tikang han hirayo nga sinirangan ngan han labi ka hirayo nga katundan.

Kundi ako amo an Dyos nga nagpapasaylo han iyo mga sala, ngan ginbubuhat ko ini kay amo gud ini ako. Diri ko na pag-iisipon ha iyo an iyo mga sala.

“Mga tawo han Israel, kamo an akon mga saksi; ginpili ko kamo nga akon surugoon, basi kumilala ngan tumoo kamo ha akon, ngan sumabot kamo nga ako gudla an Dyos. Labot ha akon waray na iba nga diyos; waray na gud iba hadto pa, ngan waray na gud iba nga tiarabot.

“Ako gudla amo an GINOO, an amo la nga makakatalwas ha iyo.

Ako amo an Dyos ngan dayuday Dyos ako gihapon. Waray makakalikay tikang han akon gahom; waray makakaliwat han akon ginbubuhat.”

Pagpapasidunggan ako bisan han ihalas nga kamanampan; pagdadayawon ako han mga lubo ngan mga duong kon paawason ko na in mga salog didto ha kamingawan basi makahatag hin tubig ngadto han akon pinili nga mga tawo. Amo hira an mga tawo nga akon ginhimo para ha akon ngahaw, ngan magkakanta hira hin mga pagdayaw ha akon!”

Sisidngon ko an amihanan hin pagpalakat ha ira, ngan an timogan hin diri paghawid ha ira. Pabalika an akon mga tawo tikang han higrayo nga katunaan, tikang han tagsa nga bahin han kalibutan. Akon hira kalugaringon nga mga tawo, ngan gintuha ko hira hin pagpasidungog ha akon.”

Han maiha na nga panahon naghimo an GINOO hin dalan nga natabok han dagat, hin aragian nga natabok han mabalod nga katubigan. Gindara niya in gamhanan nga kasondalohan ngadto ha pagkapukan, kasondalohan nga may mga karuwahe ngan kakabayohan. Nagkatutumba hira ngan diri na gud mabangon, naparong hira sugad han laga hin suga!

Ako amo an GINOO nga iyo baraan nga Dyos, gintuha ko kamo, Israel, ngan ako amo an iyo hadi.”