Popular Bible Verses from Isaias 41

Share

Ayaw kamo kahadlok—kaupod ako niyo! Ako amo an iyo Dyos—ayaw kamo kaawod! Pakukusgon ngan bubuligan ko kamo; pananalipdan ngan tatalwason ko kamo.

Ako amo an GINOO nga iyo Dyos; ginpakusog ngan ginsiring ko kamo, ‘Ayaw kamo kahadlok; bubuligan ko kamo.’”

“Adton mga nasisina ha iyo, mahibabaro han kaarawdan han pagkapirde. Magkakamatay adton mga nakikig-away ha iyo

Gindara ko kamo tikang han mga sidsid han tuna; gintawag ko kamo tikang han gihihigrayoi nga mga kanto hini, ngan nagsiring ha iyo, ‘Amo kamo an akon surugoon.’ Waray ko kamo igsikway, kundi ginpili ko kamo.

ngan mapapara hira ha tuna.

Nagsiring an GINOO, “Bisan kon gutiay ngan maluya kamo, Israel, ayaw kamo kahadlok; bubuligan ko kamo. Ako an baraan nga Dyos han Israel amo an nagtatalwas ha iyo.

“Kundi ikaw, Israel nga akon surugoon, amo kamo an mga tawo nga akon ginpili, an mga tulin ni Abraham nga akon sangkay.

Paaawason ko in mga salog dida hin bangkil nga kapungtoran, ngan mga burabod hin tubig didto han mga kahamub-an. Hihimoon ko an kamingawan nga mga linaw hin tubig, ngan an mamara nga tuna nga masulog nga burabod.

“Kon ha ira pagkinahanglan mamiling hin tubig an akon mga tawo, kon magmara na hin uhaw an ira mga but-ol, niyan ako nga GINOO an mabaton han ira pag-ampo; diri gud ako nga Dyos han Israel magsasalikway ha ira.

Hin-o adto nga nagpahinabo hini? Hin-o an nagbuot han lakat han kasaysayan han kalibutan? Ako nga GINOO nakadto na ha tinikangan pa, ngan ako an GINOO nga Dyos aadto liwat ha kataposan.

Patutudkon ko didto ha kamingawan in mga kahoy nga sidro, ngan mga kahoy nga akasya, mga mirtol, ngan mga olibo. Maturok in mga kagurangan didto hin bangkil nga tuna, mga kagurangan hin palotsina, aguho, ug sipre. Hikikit-an ini hin mga tawo ngan hibabaroan nira nga ako nga GINOO an nagbuhat hini. Makakasabot hira nga ginbuhat ini han baraan nga Dyos han Israel.”