Popular Bible Verses from Isaias 35

Share

Maabot hira nga malipayon ngadto ha Jerusalem, nga nagkakanta ngan naggogogliat tungod hin kalipay. Magmamalipayon hira ha kadayonan, nga talwas na hira han ira kabidoan ngan kagul-anan.

Pakusga an mga kamot nga kinakapoy ngan an mga tuhod nga magluya. Sidnga an ngatanan nga nagtuturaw, “Pagdasig ngan ayaw kamo kahadlok! Tikanhi na an Dyos hin pagtalwas ha iyo, Tikanhi na hin pagkastigo han iyo mga kaaway.”

Magkakamay-ada didto hiluag nga dalan nga tinatawag “An Dalan han Pagkabaraan.” Waray gud makasasala nga maglalakat dida hito nga dalan; waray mga lurong nga magpapasimang hadton mga naagi hini nga dalan.

Makakakita an mga buta, ngan makakabati an mga bungol.

Maglulukso ngan magsasayaw an mga piay, ngan maggogogliat adton mga ngula tungod hin kalipay. Mag-aawas didto han kamingawan in mga sapa hin tubig