Popular Bible Verses from Isaias 30

Share

Kon sumimang kamo han dalan ngadto ha tuo o ha wala, hibabatian niyo ha luyo an iya tingog nga nasiring, “Aadi an dalan, sulsoga ini niyo.”

Kundi naghuhulat an GINOO hin pagpakita han iya kalooy ha iyo. Andam hiya hin pagpaid ha iyo, kay dayuday ginbubuhat niya an matadong. Malipayon adton mga nasarig han GINOO.

Nasiring an GINOO nga Dyos nga Baraan han Israel ngadto han mga tawo: “Balik kamo ngan tapod hin hilom ha akon. Niyan magmamakusog ngan magmamahimyang kamo.” Kundi nadiri kamo hin pagbuhat hini.

Tatagan kamo han GINOO hin kakurian, kundi aada hiya ngahaw ha pagtutdo ha iyo, ngan diri na kamo magpipinamiling ha iya.

Diri na gud magtatangis kamo nga mga tawo nga nag-uokoy didto ha Jerusalem, Malolooyon an GINOO, ngan kon magtawag kamo hin pakibulig ha iya, pamamatian kamo niya.

Nagyakan an GINOO: “Maghihikaraot adton mga nagdudumara han Juda, kay sinmupil hira ha akon. Nagsunod hira hin mga larang nga waray ko paghimoa, ngan nagpirma hira hin mga ginsabotan nga supak han akon kaburot-on, sanglit nagtambak hira hin mga sala.