Popular Bible Verses from Isaias 25

Share

O GINOO, ikaw an akon Dyos; pagpasidunggan ko ikaw ngan pagdadayawon ko an imo ngaran. Ginbuhat mo in makaaramdok nga mga butang; gintuman mo hin matinumanon an mga larang nga imo ginhimo hadto nga mga panahon.

Pagbubungkagon hin kadayonan han GINOO nga Dyos an kamatayon! Papahiron niya an mga luha tikang han ngatanan nga mga mata ngan kukuhaon niya an kaarawdan nga gin-antos han iya katawhan ha bug-os nga kalibutan. An GINOO an nagyakan.

Kon mahinabo na ini, masiring an ngatanan, “Amo hiya an amon Dyos! Sinmarig kita ha iya ngan gintalwas kita niya. Amo hiya an GINOO! Sinmarig kita ha iya, ngan malipayon ngan narayhak na kita, kay gintalwas kita niya.”

Dinhe kukuhaon niya dayon an dampog han kabidoan nga nagtinahob han ngatanan nga mga nasod.

Dinhe ha Bukid Sion mag-aandam an GINOO nga Makagarahum han Ngatanan hin bangkite para han ngatanan nga mga nasod han kalibutan—bangkite han girarasahi nga pagkaon ngan han gimamaupayi nga bino.