Popular Bible Verses from Isaias 11

Share

Mahatag ha iya hin kinaadman an espiritu han GINOO, ngan hin hibaro ngan hin kaabtik hin paghadi han mga tawo han GINOO. Makakasabot hiya han kaburut-on han GINOO ngan han pagtahod ha iya, ngan malilipay hiya hin pag-alagad han GINOO. Diri hiya maghuhukom sumala han iya hinkikit-an o hinbabatian

Sugad hin kahoy nga ginpulod an hadianon nga panimalay ni David; kundi sugad nga nananaringsing an puno han kahoy nga ginpulod, mabangon man in bag-o nga hadi tikang han mga tulin ni David.

maghuhukom hiya hin matadong han mga kablas, ngan maugop hiya han mga katungod han mga magpakalolooy. Pinaagi han iya sugo pagkakastigohon niya an mga tawo, ngan papatayon niya an magraot nga mga tawo.

Matadong ngan maligdong an iya paghadi han iya mga tawo.

Didto ha Sion nga baraan nga bukid han Dyos mawawaray gud bisan ano nga nakakadarahog o maraot. Mapupuno an tuna han hibaro han GINOO sugad nga puno hin tubig an kadagatan.

Magtatampo nga malinawon an mga lubo ngan mga karnero, ngan madirig an mga leyopardo han nati nga mga kanding. Magsasaro an nati nga mga baka ngan hati nga mga liyon, ngan pagmamangnoan ini hin gudti nga kabataan.

Maabot in adlaw nga magigin tigaman han mga nasod an bag-o nga hadi nga tikang han hadianon nga panimalay ni David. Magtititirok hira didto han iya hadianon nga syudad ngan pagpapasidunggan hiya nira.