Popular Bible Verses from Genesis 39

Share

Nakada kan Jose an GINOO ngan ginhimo hiya nga mainuswagon. Nag-ukoy hiya didto han balay han iya agaron nga Ehiptohanon

Igintubyan ni Potifar an ngatanan nga iya gintatag-iya ngadto han pagmangno ni Jose ngan waray na hiya manginlabot hin bisan ano gawas la han iya pagkaon. Maupay an tindog han lawas ni Jose ngan gwapo hiya.

Iginbutang niya hi Jose nga tinaporan han ngatanan nga mga priso ngan ginhimo hiya nga may kaakohan han ngatanan nga ginbubuhat didto han prisohan.

ngan iginpadakop hiya ngan iginsulod ha prisohan han mga binilanggo han hadi, ngan didto nagpabilin hiya. Kundi nakada kan Jose an GINOO ngan ginbendisyonan hiya, sanglit nalipay ha iya an gwardya han prisohan.

Waray pag-iha nagtikang hin kaipa kan Jose an asawa han iya agaron ngan ginhangyo hi Jose nga makighilawas ha iya. Dinmiri hi Jose ngan nagsiring ha iya, “Tan-awa daw, diri nanginginlabot an akon agaron hin bisan ano dinhe ha balay kay aanhi man ako. Iginbutang ako niya nga tinaporan han ngatanan nga iya mga hiagi ug manggad. May-ada ako sugad kadako nga gahom han iya gahom dinhe hini nga balay, ngan waray niya igdiri ha akon an bisan ano labot la ha imo. Sanglit uunanhon ko hin pakagbuhat hin sugad kamalaw-ay nga butang ngan pakasala kontra han Dyos?”

Kundi usa ka adlaw, han pagsulod ni Jose han balay hin pagtuman han iya buruhaton, waray gud didto bisan usa han mga surugoon han balay. Kinaptan niya hi Jose ha iya hilawig nga bado ngan ginsiring, “Tana, dirig ha akon.” Kundi kinmalagiw hi Jose ngan dinmalagan ha gawas nga binayaan an iya hilawig nga bado dida han kamot han babaye.