Popular Bible Verses from Ezequiel 33

Share

Sidnga hira nga sugad nga ako nga Ginoo nga DYOS, amo an buhi nga Dyos, diri ako nalilipay hin pagkita hin usa nga makasasala nga namamatay. Gabay lugod nga hinkit-an ko hiya nga nahunong hin pagpakasala ngan nabubuhi. O Israel, hunonga na an maraot nga imo ginbubuhat. Kay ano nga naruruyag ka nga mamatay?

“Yana, anak hin tawo, ginhihimo ko ikaw nga magbarantay han nasod han Israel. Kinahanglan ihatag mo ha ira an mga pahimatngon nga akon ihinahatag ha imo.

Kundi kon pahimatngonan mo in usa nga maraot nga tawo ngan diri hiya humunong hin pagpakasala, mamamatay hiya nga makasasala gihapon, kundi matatalwas an imo kinabuhi ngan diri ko ikaw pagbabasolon.”

Kundi kon hikit-an han magbarantay nga tiabot na an kaaway ngan diri niya patunggon an pahimatngon, maabot an kaaway ngan pamamatayon ito nga mga makasasala, kundi an magbarantay an akon pagbabasolon han ira kamatayon.

Iya kalugaringon nga sayop an iya kamatayon, kay waray man hiya bumali han pahimatngon. Kon binmali hiya, nakakapalagiw unta hiya.