Popular Bible Verses from Ezequiel 2

Share

Han nagyayakan pa an tingog, sinmulod ha akon an espiritu han Dyos ngan ginpatukdaw ako, ngan hinbatian ko an tingog nga nagpadayon hin pagsiring, “Anak hin tawo, sinusugo ko ikaw ngadto han mga tawo han Israel. Sinmupil ngan binmaya hira ha akon, ngan masupilon pa gihapon hira sugad gud han ira kaapoy-apoyan.

Pagsusumatan mo hira han bisan ano nga igsusumat ko ha imo hin pagyakan, mamati hira o diri. Hinumdomi nga mga masupilon gud hira. “Anak hin tawo, pamatii an akon igsisiring ha imo. Ayaw pagmasupilon sugad ha ira. Abrehe an imo baba ngan kaona an akon ihahatag ha imo.”

Mamati ha imo o diri hira nga mga masupilon, makakasabot hira nga nakada tampo ha ira in usa nga manaragna.