Popular Bible Verses from Exodo 7

Share

Nagsiring an GINOO, “Hihimoon ko ikaw nga sugad han Dyos ha atubangan han hadi, ngan maghihimangraw ha iya hi Aaron nga imo bugto nga sugad hiya nga imo manaragna.

Kundi patitig-ahon ko an kasingkasing han hadi, ngan diri hiya mamamati ha iyo, bisan damo nga magpakaharadlok nga mga butang an akon pagbuhaton didto ha Ehipto. Niyan ipadadara ko ngadto ha Ehipto in makalilisang nga kastigo, ngan dadad-on mo hin paggawas tikang han tuna an mga tribo han akon mga tawo.

Niyan mahibabaro an mga Ehiptohanon nga ako amo an GINOO, kon bayawon ko na an akon kamot kontra ha ira ngan pagawson ko na an mga Israelita tikang han ira nasod.”

Niyan iginpatawag han hadi an iya mga makinaadmananon ngan mga salamangkero, ngan pinaagi han ira salamangka ginbuhat nira an amo ngahaw nga butang. Igin-itsa nira an ira mga tungkod ngan nagkahihimo ini nga mga halas. Kundi ginlam-oy han tungkod ni Aaron an ira mga tungkod.

Yana, Harangdon nga Hadi, nasiring an GINOO nga hibabaroan mo kon hin-o hiya pinaagi han iya pagbubuhaton. Kitaa, babalbagon ko hini nga tungkod an tubig ha bawbaw han salog, ngan mahihimo nga dugo an tubig.

“Kon magkinahanglan an hadi nga magpakita kamo hin milagro, basi may karig-onan an iyo ginbubuhat, sidnga hi Aaron hin pagkuha han iya tungkod. Ig-itsa ini ngadto ha atubangan han hadi, ngan mahihimo ini nga halas.” Sanglit kinmadto han hadi hira Moises ug Aaron ngan ginbuhat nira sumala han iginsugo han GINOO. Gin-itsa ni Aaron an iya tungkod ngadto ha atubangan han hadi ngan han iya mga opisyal, ngan nahimo ini nga halas.