Popular Bible Verses from Exodo 23

Share

Kon iyo pagsingbahon ako, an GINOO nga iyo Dyos, tatagan ko kamo hin pagkaon ug tubig ngan tatambalon ko an ngatanan niyo nga mga sakit. Didto han iyo tuna waray mapupunitan o mababaw-as nga babaye. Tatagan ko kamo hin higlawig nga kinabuhi.

“Papag-unhon ko ha iyo in usa nga anghel basi manalipod ha iyo samtang nga naglalakat kamo, ngan hin pagdara ha iyo ngadto han dapit nga akon gin-andam.

Kundi kon magsugot kamo ha iya ngan magbuhat kamo han ngatanan nga akon pinapatuman ha iyo, ako an maasdang han ngatanan niyo nga mga kaaway.

Ayaw kamo pagsunod han kadam-an kon magbuhat hira hin sayop, o kon magsaksi hira hin paglubag han katadongan. Ayaw kamo pagpakita hin pagdapig hin usa nga kablasanon dida han iya bista.

“Ayaw kamo pagpasarang hin buwa nga mga hurobhurob, ngan ayaw kamo pagbulig hin salaan nga tawo pinaagi hin buwa nga pagsaksi.