Popular Bible Verses from Ecclesiastes 1

Share

Kon darudako an imo kinaadman, darudamo man an imo kabidoan; kon darudako an imo hinbabaroan, darudako man an imo pag-aantoson.

An nahinabo na, mahinanabo liwat. An ginbuhat na, pagbubuhaton liwat. Waray gud bag-o dinhe ha kalibutan.

Nahatag hin kagul-anan an ngatanan nga mga butang—kagul-anan nga diri sadang mahiasoy. Diri gud natunga hin pagkinita an aton mga mata o pagpinamati an aton mga durunggan.

Waray la kapulsanan, waray kapulsanan, nasiring an Magwarali. Waray kapulsanan an kinabuhi. An ngatanan waray la kapulsanan. Nagkinabudlay ngan nagginuol kamo ha bug-os niyo nga kinabuhi, ngan may-ada ba niyo nakuha?

Hinkit-an ko an ngatanan nga ginbuhat dinhe hini nga kalibutan, ngan susumatan ko kamo nga waray la kapulsanan ini ngatanan. Sugad la kita hin tawo nga nagdadakop han hangin.

Nagliwanliwan in mga katulinan, kundi amo la gihapon an kalibutan.

Waray nahinunumdom han nahinabo hadto pa, ngan waray na mga adlaw nga tiarabot mahinunumdom han nahinanabo yana ngan han umarabot.

Gintalinguha ko nga akon hibaroan an kalainan han kaaram ug kalurongan, han kinaadman ug katuyawan. Kundi hinbaroan ko nga maupay pa magdinakop ako han hangin.