Popular Bible Verses from Deuteronomio 7

Share

Hinumdomi niyo nga an GINOO nga iyo Dyos amo la an Dyos ngan matinumanon hiya. Pagtutumanon niya an iya ginsaaran ngan ipakikita niya an iya dayuday nga paghigugma ngadto hin yinukot nga mga katulinan hadton mga nahigugma ha iya ngan nagsusugot han iya mga sugo

Buhata ini niyo kay ginpili na kamo nga iya han GINOO nga iyo Dyos. Ginpili kamo niya nga iya kalugaringon nga linain nga mga tawo tikang han ngatanan nga mga tawo han tuna.

Kundi ginhigugma kamo han GINOO ngan karuyag niya tumanon an saad nga iya iginsaad ngadto ha iyo kaapoy-apoyan. Amo ito nga gintalwas kamo niya pinaagi han iya dako nga gahom, ngan gintalwas kamo tikang han iyo pagkaoripon han hadi han Ehipto.

“Waray an GINOO maghigugma ngan magpili ha iyo tungod nga darudamo kamo kay han iba nga mga nasod; kamo an gigugutiayi nga nasod dinhe ha tuna.

Waray mga tawo dinhe ha kalibutan nga mahuhura hin mga kaupayan sugad ha iyo. Waray mababaw-as ha iyo bisan han iyo kabakahan.