Popular Bible Verses from Deuteronomio 4

Share

Didto magbibiling kamo han GINOO nga iyo Dyos; ngan hiaagian niyo hiya kon kinasingkasing an iyo pagbiling ha iya.

Maloloy-on hiya nga Dyos. Diri kamo niya babayaan o pupuohon, ngan diri niya hingangalimtan an ginsaaran nga ginhimo niya ha iyo mga ginikanan.

kay an GINOO nga iyo Dyos sugad hin naglalahinggab nga kalayo; naabugho gud hiya nga Dyos.

Pagbantay gud kamo basi diri kamo mahingalimot, samtang buhi pa kamo, han iyo hinkit-an han iyo kalugaringon nga mga mata. Sumati an iyo mga anak ngan an iyo mga apo

Sanglit hinumdomi yana nga adlaw ngan ayaw gud niyo hingalimti: an GINOO amo an Dyos didto ha langit ngan dinhe ha tuna. Waray na iba nga diyos.

“Waray iba nga nasod, magkadiano hin kadako, nga may-ada diyos nga suok kaupay kon nagkikinahanglan hira ha iya nga malabaw pa kay han GINOO nga aton Dyos. Pinamamatian kita kon natawag kita ha iya hin pakibulig.

Kon aada na kamo ha kakurian ngan mahinabo ha iyo ini ngatanan nga mga butang, ha katapostaposan mabalik kamo gihapon ngadto han GINOO ngan magsusugot kamo ha iya.

Ayaw niyo pagdugangi hin bisan ano an akon iginsugo ha iyo, ngan ayaw liwat pag-ibani. Pagtumana an mga sugo han GINOO nga iyo Dyos, nga akon iginhatag ha iyo.