Popular Bible Verses from Daniel 9

Share

Nag-ampo ako ngadto han GINOO nga akon Dyos ngan iginkompisal ko an mga sala han akon katawhan. Nagsiring ako, “O Ginoo nga Dyos, gamhanan ka nga Dyos ngan nagpapasidungog kami ha imo. Matinumanon ka han imo ginsaaran ngan nagpapakita ka hin dayuday nga paghigugma ngadto hadton mga nahigugma ha imo ngan nagbubuhat han imo sugo.

Pamatii kami, O Dyos; tan-awa kami ngan kitaa an amon kakurian ngan an gin-aantos han syudad nga nagdadara han imo ngaran. Nag-aampo kami ha imo kay maloloy-on ka, diri tungod nga nagbuhat kami hin matadong. O Ginoo, pamatii kami. O Ginoo, pasayloa kami. O Ginoo, pamatii kami ngan buhat na gud! Ayaw na paglangan basi kumilala an ngatanan nga amo ka an Dyos! Imo ini nga syudad ngan ini nga katawhan.”

Ngan nag-ampo ako hin kinasingkasing ngadto han Ginoo nga Dyos nga nakimalooy ako ha iya, nga nagpuasa ako, nagbado hin sako, ngan naglingkod ako dida hin mga agbon.

Maloloy-on ngan mapinasayloon ka bisan kon sinmupil kami ha imo.

Magkakamay-ada marig-on nga ginkatangdoan ito nga punoan ngan hin damo nga katawhan sulod hin pito ka tuig, ngan kon lumabay na an katunga hini nga panahon, tataposon niya an mga halad nga tinubod ngan mga halad. Ibubutang an Makaharadlok nga Taran-awon didto han gihihitaasi nga dapit han Templo ngan magpapabilin ini didto tubtob nga an nagbutang hini abotan han kataposan nga gin-andam han Dyos para ha iya.”