Popular Bible Verses from Saray Taga Roma 5

Share

Balet impanengneng na Dios so ontan lan panangaro tod sikatayo, ta nen makasalanan itayo ni, si Cristo inatey para sikatayo.

Sayan ilalo ag to pabeteley linawa tayo, ta inkalbo lay Dios so aro tod puso tayo diad panamegley na Ispiritu Santo ya inter tod sikatayo.

Aliwan saya labat, no ag ingen panliliketan tayo met ni ray segsegang tayo, ta amta tayon mambunga ra na panagtepel. Tan say panagtepel mambunga na ogalin makapaliket ed Dios, tan sayan ogali mambunga na ilalo.

Natan ta apaandi la ray kasalanan tayod arap na Dios lapud pananisia, wala lay kareenan tid Dios diad panamegley nen Jesu-Cristo. Dia nid panamegley to, agamuran tid Dios so baleg a panangaro to, a diad silong toy pambibilayan tayo natan. Panliliketan ti siriy ilalo tayon makapibiang ed kagalangan na Dios!

Ta sanen anggapoy nagawaan tayo ni, si Cristo inatey nen panaon a manepeg para saray makasalanan.

Tan natan ta apaandi la ray kasalanan tayo diad panamegley na dala nen Cristo, lalo sirin ya ilaban to itayod pasnuk na Dios.

Tan no saray makasalanan et dinmakel ira lapud impankasalanay sakey a too, ontan met a saray totoon napaandiay kasalanan et ondakel ira lapud intoluk na sakey a too.

Aliwan saya labat, makaliliket itayo nid Dios diad panamegley nen Jesu-Cristo a Katawan tayo, ta lapud sikato nagmaliw ti lan kakaaroy Dios.