Popular Bible Verses from Puyan 16

Share

“Dengel kayo! Onsabi ak a singa matakew! Maliket iray abangon tan ag naneekal na kawes da, pian ag ira manakar-akar ya anggapoy akasolung ed laman da, et ag ira nabaingan ed saray totoo!”

Say kumanem ya anghil inkalbo tod baleg ya Ilog na Eufrates so kargay yaung to. Amagaan imay ilog, pian niparaan so dalanen da ray arin manlapud bokig.

Sikara yay ispiritu na dimonyon manggagaway milagro. Lalaen da a tiponen iray arari ed intiron mundo, ta milaban ira no onsabiy baleg ya agew na Dios a Makapanyarin-amin.

Insan anengneng koy singa ra patang a taloran marorotak ya ispiritu ya ompapaway ed sangi to may dragon, sangi to may ayep, tan sangi na samay tila-tilan propita.

Apoolan iray katoowan, tan inayew day ngaran na Dios a walay pakayari ton mangiter na ontan iran salot. Balet ag ira nampatauli tan ag da inggalang so Dios.

Linma la sirin imay onaan ya anghil, tan inkalbo tod mundo so kargay yaung to. Linmesa ray makarimdimla tan ansakisakit a giri ed saray walay marka na samay ayep, tan saray angigalang ed talintao to.

Insan saray ari tinipon ira na saramay ispiritu; diad pasen a tatawagey Armagedon ed salitay Hebreo so impaniponan dad sikara.