Popular Bible Verses from Saray Taga Filipos 2

Share

Ag kayo manggagaway antokaman lapu labat ed siblet yo o lapud labay yoy mampasirayew; mampaabeba kayo ingen tan ipasen yo ray arum a totoo a maung ira nen say sikayon dili. Nengneng yoy pankaabigay arum, aliwan say pankaabigan yo labat.

Nepeg yon aligey ogali nen Cristo Jesus

Anggaman a walad sikatoy inka-Dios, ag to impasoot a mansiansian kaparay Dios. Nilakseb to ingen so inka-Dios to, tan inala toy kipapasen na aripen nen nagmaliw a too. Nampaabeba tan maonur ya anggad patey— on, anggad ipapatey ed krus.

ta say Dios so mangiiter ed sikayoy panlabay tan pakayarin manggawad linawa to.

Kanyan say Dios intanduro to ed sankatageyan, tan initdan toy ngaran a matalonggaring nen say dinan man a ngaran. Diad ontan, amin da ray apalsan walad tawen, diad mundo tan dalem na dalin. ontalimukor iran mangigalang ed ngaran nen Jesus. Ibawag met ed satan na amin a katoowan a si Jesu-Cristo so Katawan. Lapud saya, say Dios Ama so nagalang.

Gawa yo ray amin a kimey ya anggapoy ngorongoro tan sangsangan, pian nipanengneng yon anak kayoy Dios, malinis tan anggapoy pakabalawan yod saray pilimugan yon totoon maoges tan makasalanan. Nepeg a liwawaan yo ra a singa panliliwaway bitewen ed tawen

Kanyan, inararon agagi, bangta maonur kayo lawas nen kaiba yo ak, nepeg a lalon maonur kayo natan ya andid tan ak ed sikayo. Mankimey kayon katekep na takot tan giwgiw anggad nagnagnap lay kilalaban yo