Popular Bible Verses from Saray Huis 16

Share

Insan inmeyag, “Samson! Nitan la ray Filisteo!” Binmangon tan ninunot to, “Makaokpus ak tan nabolus ak a singa gendat.” Ag to amta a tinaynan la na KATAWAN.

Insan nampikasiy Samson, “Katawan a DIOS, nunot mo ak pa; O Dios, pabiskeg mo ak pa nin maminsan labat natan, pikasik ed sika, pian makabawi ak ed sarayan Filisteo ed impanokit dad saray matak.”

kanyan imbaga toy tua, “Ag nin balut apotutan so buek ko,” inkuanto. “Nisaklang ak ed Dios a sakey a Nazareo nanlapu lad inkianak ko. No napotutan so buek ko, naandi so biskeg ko tan magmaliw a singa biskeg na arum a too so biskeg ko.”

Inagew-agew ton tinepet lan tinepet ed kinen Samson. Sinmawan siansiay Samson tan naingungotan la

tan inmeyag, “Ompatey ak komun a kaibak ira yan Filisteo!” Intolak tod anggaay nayarian to may paalagey, et nagbad saramay limaran arari tan amin da ray arum a totoon wadman. Dakel niy apatey nen Samson diad samay impatey to nen say apatey to legan ton nambilay.