Popular Bible Verses from Santiago 3

Share

Balet say kakabatan a nanlapud Dios et ononaona, malinis. Maaro met ed kareenan, maoyamo, makaaro, mapangasi, makolid panaggaway kaabigan, anggapoy labien to, tan aliwan mansimpisimpitan.

Siopad sikayoy makabat tan makatalus? Nepeg ton ipanengneng diad panamegley na maung a panagbilay, tan diad maung iran gawan katekep na oyamo tan kakabatan.

Say toon maarod kareenan, diad panaanap toy kareenan, isisibwag toy bokel a mambungay katonungan.

Ta no iner so kawalaay imon tan pantatalonaan, diman met so kawalaay golo tan amin a klasin kaogsan.

Ikakana tin pangigalang ed Katawan tan Ama tayo, tan sikato met so ikakana tayon panayew ed kapara tayon too ya apalsa ed indengan na Dios. Manlapud saksakey a sangi so pangigalang tan say panayew. Ag nepeg yan nagawa, agagik ira.

Ontan met a say dila et singa apoy. Sakey a mundoy kaogsan, walay pasen tod laman tayo, tan mangikakayat na kaogsan ed intiron inkatoo tayo! Say apoy to nanlapud dilin impirno tan manangigapoy pool ed intiron bilay na too.

Balet anggapo niy akapaamod dila. Maoges tan ag napatonda, napnoy ditan makapatey.

Agagik, ag nepeg a magmaliw a bumabangat iray karaklan ed sikayo, bangta amta yon sikami ran bumabangat et mapeget so panintinsiad sikami nen saray arum.