Popular Bible Verses from Saray Taga Galacia 5

Share

Balet say bungay Ispiritu et aro, liket, deen, anos, panangasi, kaabigan, katooran, oyamo, tan panagadya. Anggapoy onsumlang a ganggan ed saraya.

Saya so ibabagak ed sikayo: abuloyan yoy Ispiritu Santo a mangiwanwan na bilay yo, tan ag yo oonuren iray liket na inkatoo.

Say Ispiritu so angiter ed sikatayoy bilay, kanyan sikatoy nepeg a mangiwanwan ed bilay tayo.

Tan saray kayaryan nen Cristo Jesus et impasak da lad krus so inkatoo ra, pati saray maoges a liknaan tan pilalek to.

Malinlinew iray gawa na inkatoo: inmoralidad, marotak a kabibilay, mabambanday a kagagawa; panangigalang ed saray talintaoy diriyos, panaganito, pambobosulan, panlalaban, paniimonan, pampepetangay olo, pantatalonaan, pambabalingaan tan pansisiblangay grupo ed sakey a grupo, panagibeg, panagbuanges, alablabas a panagliket, tan arum ni ran singa saraya. Papasakbayan ta ki lamet a singa samay inmona: saray manggawad saraya, ag da natawir so Panariay Dios.

Agagi, atawag kayon magmaliw a bolus. Balet ag yo ibabaraay inkabolus yo ed pangonur yod saray liket na laman. Mantutulongan kayo ingen lapud aro.

Ta saray liket na inkatoo et sumlang ed linaway Ispiritu Santo tan say linaway Ispiritu Santo et sumlang ed saray liket na inkatoo. Mansusumlangan ira yan dua, kanyan ag yo nagawaan so labay yon gawaen.

Ta natitibokel so amin a Ganggan ed saksakey a ganggan: “Arom so kaparam a too a singa panangarom ed sikan dili.”

Ag tayo nepeg so mampasirayew, mankokolkol, odino maniimonan.

Walad sikatayoy kawayangan, ta imbolus itayo nen Cristo! Pansiansia yon malet sirin yan kipapasen yo, tan ag kayo papaaripen lamet.