Popular Bible Verses from Ecclesiastes 7

Share

Ag ka bengatbengat mamapasnuk; inkakulang-kulang so pomokuk na sakit na linawa.

Manliket ka no maligen so bilay mo. Balet no nagugunigon ka, nunot mo: iiter na Dios so liket tan say gunigon tan ag mon balut naamtaan no antoy onsoblay a nagawa.

Say pangangga na bengatla et maung ni nen say gapo to. Say toon maanos maung ni nen say toon mapaatagey.

Anggapoy too diad tapew na dalin a manggagawa lawas na kamaungan tan ag balut mankasalanan.

Say kakabatan iyagel to kad kaatapan a singa pangyagel ed sika na kuarta. Say kakabatan iyarawi to kad kaatapan—sikato yay kamaungan na pakatalus.

Say maung a ngaran et magmaung ni nen say mabmablin pabalingit; say agew na ipatey na too et maung ni nen say agew na inkianak to.

Magmaung niy makadngel na pasnuk na toon makabat nen say makadngel na kantan panangidayew na toon makulang-kulang.

Magmaung niy onlad abung a walay ermen lapud walay inatey nen say onlad abung a walay ponsia, ta diad iyakar ed kawalaay inatey nipanunot a say patey et manaalagar ed sikatayon amin.

Makulang-kulang so toon mannununot lawas na nipaakar ed liket. Makabat balet so toon mannununot na nipaakar ed patey.