Popular Bible Verses from 2 Saray Arari 4

Share

“Antoy nitulong kod sika?” tepet nen Eliseo. “Antoy kayaryan mon walad abung mo?” “Anggapo, likud ed sakey a melag a pasig a napnoy larak na oliba,” ebat to.

Linmad kinen Eliseo so sakey a biin balo na sakey a kabyangan na grupo da ray propita tan kuanto, “Inatey lay asawak! Amta yo met la a walay takot tod Dios imay asawak, balet linmad siak so lakin akautangan to, ta aalaen ton aripenen iray duaran lalakin anak ko a pinagkabayar na utang na asawak.”

“Laka, ta bayes kad saray kakaabay mo na anggan pigaran pasig ya anggapoy karga,” inkuanen Eliseo ed samay bii.

“Insan loob ka tan saray lalakin anak mo ed dalem na abung, ikaput yoy puirta, insan yo balesay larak iray pasig. Ibiig yoy balang napano.”

Nen napno da lan amin iray pasig, tinepet to no wala niy arum. “Samput la ya,” ebat na sakey ya anak to. Insan tinmonda lan tinmoro may larak.

Pinmawil imay bii ed kinen Eliseo a too na Dios tan imbaga toy agawa. Inkuan na propita ed sikato, “Ilakom so larak tan bayaran mo ray utang mo; wala nid satan so nakeraan a kuartan pambilay mo tan saray anak mo.”

Kanyan linma may bii tan saray lalakin anak to ed dalem na abung, inkaput day puirta, inala na samay bii so sampasig a larak, insan to binalesan na larak so balang pasig ya iyaasingger ed sikato na saray anak to.

Insan to tinikleban so bangkay ya impetek toy sangi, mata, tan lima tod sangi, mata, tan lima to may ogaw. Legan ya akaonat so laman tod samay bangkay, pinmetang so laman to may ogaw.