Popular Bible Verses from 2 Saray Arari 2

Share

Diad basil na ilog inkuanen Elias ed kinen Eliseo, “Ibagam no antoy labay mon gawaen kon para sika, kasakbayan a naala ak ya onlad tawen.” Inmebat si Eliseo, “Patawiran mo ak pa na babaleg a pakayarim, pian nayarian koy onsalat ed sika.”

Intuloy day pantotongtong da legan dan manaakar, insan kabebekta linmeet ed sikaray karwahin apoy a bibiraen na saray kabayon apoy, tan say alimbusabos inyakar tod tawen si Elias.

“Mairap ya iter itay kerew mo,” ebat nen Elias. “Anggaman ontan, nagamuran mo no nanengneng mon nanaala ak ed arap mo; balet no ag mo ak nanengneng, ag mo nagamuran.”

Impaspas tod danum imay kolibemben nen Elias tan kuanto, “Kawalaan na KATAWAN, say Dios nen Elias?” Pinaspas to lamet so danum, et abelsay, kanyan nanakar ya anggad basil na ilog.

Anengneng nen Eliseo so agawa tan ineyag tod kinen Elias, “Ama, ama! Makapanyarin manangyagel na Israel!” Insan ag to la anengneng a balut si Elias. Diad ermen nen Eliseo, pinilat ton nankadwa so kolibemben to.

Inekal nen Elias so kolibemben to, nilokut to, insan impaspas tod danum; apaldua so danum, insan dinmalan iran dua nen Eliseo ed amagan dalin nen binmasil ira.

Sinmabi lay oras na pangala na KATAWAN ed kinen Elias ed tawen diad panamegley na alimbusabos. Pinmikal ed Gilgal si Elias tan si Eliseo