Popular Bible Verses from 2 Saray Taga Corinto 5

Share

Kanyan nagmaliw a balon pinalsa so siopaman a toon akikasakey ed Cristo. Linmabas lay daan, tan sinmabi lay balo.

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

Ta mambibilay kami onung ed pananisia, aliwan onung ed saray nanengneng.

Say Dios so nanggawad sayan amin. Aliwa kami lan kabosul to, no ag ingen imbilang to kami lan kaaro to diad panamegley nen Cristo, tan initdan to kamiy kimey a mamapawil ed saray arum a totoo ed sikato. Ipupulong min say Dios mikakaarod saray katoowan diad panamegley nen Cristo, tan lilingwanan to la ray kasalanan da. Et impia na Dios ed sikami yan balita.

Kanyan sikamiy ibabaki nen Cristo. Singa say Dios la sirin so mikakasid sikayo diad panamegley mi; pikasi mid sikayo, diad ngaran nen Cristo, ya abuloyan yoy Dios a pagmaliwen to ki lan kakaaro to!

Inatey para amin a katoowan si Cristo, pian saray mabilay et ag la ra mambilay para sikaran dili, no ag ingen para samay inatey tan inmolid bilay para sikara. Kanyan natan, say pangamta miy siopaman et aliwa lan onung ed panagsintinsiay too. Nen inmona, onyay impangamta mid Cristo, balet aliwa lan onya natan.

Ta ooleyan kamiy aro nen Cristo, bangta bibirbiren min inatey so sakey a too para amin a katoowan; say labay to yan ibaga, minanabang so amin a katoowan ed impatey to.