Popular Bible Verses from 1 Samuel 2

Share

“Anggapoy masanto a singa say KATAWAN; anggapoy miparad sikato, anggapoy manangyagel a singa say Dios tayo.

Agwaten tod dabuk iray mairap-bilay, tan aonen tod kairapan iray pangaskasiyan. Gawaen to ran kakaiba na saray prinsipi, tan iyakar to rad saray pasen na kagalangan. Kayaryan na KATAWAN iray punda-sion na mundo; diad saraya so angiletnegan toy mundo.

“Iyagel toy bilay da ray totoo ton matoor, balet naandipat ed kabilongetan iray totoon maoges; ag manalo so too lapud biskeg ton dili.

Pagmaliwen ton mairap-bilay iray arum tan mayaman iray arum; paabebaen tod kipapasen iray arum tan paatageyen to ray arum.

Say KATAWAN mamatey tan mamabilay; ibaki tod pasen a panaayaman da ray inaatey iray totoo, tan agwaten to ra.