Popular Bible Verses from 1 Saray Arari 18

Share

Ebatan mo ak pa, KATAWAN, ebatan mo ak pa, pian nabirbir na sarayan totoo a sika, say KATAWAN, et Dios, tan papapawilen mo rad sikan dili.”

Diad oras na panagbagat ed ngarem, inasinggeran nen Elias imay altar tan nampikasi, “O KATAWAN a Dios di Abraham, Isaac, tan Jacob, ipaamtam natan a sikay Dios na Israel, tan siak so aripen mo a nanggawad saya, lapud panangiganggan mo.

Linmay Elias ed saray totoo tan kuanto, “Kapigay pangipasakey yod kanunotan yo? No Dios so KATAWAN, sikatoy igalang yo; no Dios si Baal, sikatoy igalang yo!” Balet ag inmesel iray totoo.

Angipelag na apoy so KATAWAN, tan pinoolan to may bagat, saramay kiew, tan saramay bato, tan tinektek toy dalin tan pinamaga to may banawang a kawalaay danum.

Nen anengneng ya na saray totoo tinmiblak irad dalin, tan kuanda, “Say KATAWAN et Dios; say KATAWAN labat so Dios!”

Diad kumapito pinmawil tan kuanto, “Akanengneng ak na melag a lorem a singa daklap so kabaleg to tan ontatagey a nanlapud dayat.” Ingganggan nen Elias imay aripen to, “Lakad Ari Acab, ta ibagam ed sikaton onlogan lad karwahi to tan onsempet la, ta ompan naabot na oran ed dalan.”

Linmoob so pakayari na KATAWAN ed kinen Elias; malet ton imbariber so kawes tod balangbang to tan batik ya inonaan si Acab ya anggad lolooban ed Jezreel.

Inkuanen Elias ed kinen Ari Acab, “Laka, ta mangan ka la. Narerengel koy ungol na onsasabin oran.”

Inkuantod aripen to, “Laka, ta bantag moy dayat.” Linma may aripen, insan pinmawil a kuanto, “Anggapoy anengneng ko.” Amimpiton imbaki nen Elias ya onlan onnengneng.

Insan inkuanen Elias ed saray totoo, “Asinggeran yo ak,” kanyan minokut da. Inapiger toy nigeban altar na KATAWAN.

Insan pampikasi yod dios da iray propita nen Baal, balet mampikasi ak ed KATAWAN; say Dios a mangipelag na apoy ya ebat na pikakasi—sikato so Dios.” Inmebat iray totoo, “Maung itan. Siabobun kami.”

Angalay labinduan bato, sakey so para kapag sakey a tribu ya inngaran onung ed saramay labinduan anak nen Jacob, say lakin angitdan na KATAWAN na ngaran ya Israel.

Nen kaagewan la ginapwan nen Elias a lureyen ira, “Ikasil yoy mampikasi! Sikatoy sakey a dios! Ompano mankokogip, odino mampapainawa, odino walay nila to! Odino ompan nanaogip, kanyan nepeg yon bangonen!”

Inkana nen Elias ira yan bato diad impangapiger tod samay altar a pangigalangan ed KATAWAN. Angotkot na banawang ed kaliber-liber na altar, a nayarin mankarga na apatiran galon a danum diad kinabaleg to.