Popular Bible Verses from МатӀай 5

Share

КуькӀуьрнавай шем къапунин кӀаник кутадач, кӀвале авайбуруз экв гун патал, ам шемерганда твада. Гьа саягъда куь экуьнини инсанриз экв гун лазим я. Абуруни, куьне ийизвай хъсан крар акваз, цавараллай куь Бубадин тариф ийида.

Куьн дуьньядин экв я. Дагъдин кукӀушдал эцигнавай шегьер чуьнуьхариз жедач.

Бахтавар я михьи рикӀ авайбур, абуруз Аллагь аквада!

Бахтавар я гьахъ-михьивилихъ гишинбур ва къанихбур, абур тух жеда!

Амма За квез лугьузва хьи, жуван душманарни кӀан хьухь, куьн хурук кутазвайбурун гьакъиндай дуьа ая.

– Бахтавар я Аллагьдин вилик затӀни авачирбур, Цаварин Пачагьлугъ гьабурунди я!

Бахтавар я ислягьвал гъизвайбур, абуруз Аллагьдин веледар лугьуда!

Бахтавар я шехьзавайбур, Аллагьди абуруз теселли гуда!

Бахтавар я Аллагьдиз кӀанзавайди кьилиз акъудзава лугьуз хурук кутунвайбур, Цаварин Пачагьлугъ гьабурунди жеда!

Бахтавар я регьим гвайбур, абуруз Аллагьди регьим ийида!

Зи терефдарар я лугьуз, инсанри куь намусдик хкӀурдайла, куьн хурук кутадайла, куьне жуьреба-жуьре чӀуру крар авуна лугьуз квек квачир тахсирар кутадайла, куьнни бахтавар жеда. Куьне чӀехи шадвилер ая, цаварал квез Аллагьди зурба савкьват гьазурнава. Квелай вилик хьайи пайгъамбарарни гьа икӀ хурук кутунай.

Бахтавар я умунбур, абуруз ирсинай чил акъатда!

Куьн чилин кьел я. Кьелен ери квахьайтӀа, ам гьикӀ уькӀуь хъийиз жеда? Мад ам са куьнизни герек хкведач, ам инсанрин кӀвачерик гадарда.

Цавараллай куь Бубадик нукьсан квачирвал, куьнни нукьсан квачиз хьухь.

Амма куь гаф я «эхь», я «ваъ» хьурай. А гафарилай артух гафар хьайитӀа, абур шийирдивай я.

Инсанриз лагьай гафарикай квез хабар я: «Ви вил акъудайтӀа, вунани вил ахкъуд, свах акъудайтӀа – свах». Амма За квез лугьузва: ваз шийир авурдалай кьисас къахчумир. Гьадалайни артух яз, ни ви эрчӀи хъвехъ ягъайтӀа, адахъ муькуь хъвехъни элкъуьра.

ЭрчӀи вили вун гунагь ийидай йикъаз гъизватӀа, вуна ам акъудна гадара: ви вири беден жегьеннемдин цӀуз аватдалди, бедендин са чка терг хьун ваз хъсан я. ЭрчӀи гъили вун гунагь ийидай йикъаз гъизватӀа, вуна ам атӀана гадара, ви вири беден жегьеннемдин цӀуз аватдалди, бедендин са чка терг хьун ваз хъсан я.