Popular Bible Verses from Якьуб 4

Share

Гьавиляй Аллагьдиз муьтӀуьгъ хьухь, иблисдиз акси яз къарагъ, ва ам квекай катда.

Аллагьдиз мукьва хьухь, Амни квез мукьва жеда. Гунагькарар, куь гъилер чуьхуьх, куьнени, шак гъизвайбур, куь рикӀер михьа.

Аллагьдин вилик агъуз хьухь, гьа чӀавуз Ада куьн хкажда.

Амма Ада чаз мадни чӀехи берекат гузва. Гьавиляй Каламди лугьунни ийизва: «Аллагь акси я лавгъабуруз, амма Ада умунбуруз берекат гузва».

Вичи авуна кӀани хъсанвал чизвай, амма тийизвай гьар сада гунагь ийизва.

тӀалабзава, амма гьатдай затӀ авач, вучиз лагьайтӀа куьне, тӀалабзавай затӀарикай лезет хкудун патал серф ийиз кӀанз, михьи тушир делилрал амалзава.

Эй Аллагьдиз вафа техуьзвайбур! Гунагькар дуьньядихъ галаз дуствиле хьун – им Аллагьдихъ галаз душманвал авун тирди квез чизвачни мегер? И дуьньядин дуст жез кӀанзавайдакай Аллагьдин душман жезва.

Квез гьатта пака вуч жедатӀани чизвач. Куь уьмуьр вуч я? Куьн са кьадар вахтунда пайда хьана ахпа квахьдай бугъ хьиз я эхир.