Popular Bible Verses from ЭхкъечӀун 15

Share

Реббиди лагьана: «Куьн Реббидин, куь Аллагьдин, чӀалаз килигиз хьайитӀа, ва Адаз гьикӀ кӀанзаватӀа, гьакӀ ийиз хьайитӀа, Адан эмирриз яб гуз хьайитӀа ва Адан къайдаяр кьилиз акъудиз хьайитӀа, За гьич садрани За мисривийрик кутур хьтин азарар квек кутадач. Зун Ребби – куь тӀебиб я!»

Ребби – зи къудрат я, Ам – зи къуват я! Ам – зи хиласвал я! Ам зи Аллагь я – за ам машгьур ийида! Зи бубайрин Аллагь – за ам чӀехи ийида!

Вав къведайди аллагьрин арада авач, Ребби! Авач Къудрат авайди, Вав къведайбур Пак тирбурун арада! Машгьурвиле хаф ягъиз тадай! Аламатрин иеси!

Вуна хиласай халкь регьим ийиз тухузва, тереф хвена, тухузва Ви Ибадатхана авай чилел.

Марадив агакьайлани, яд хъваз хьаначир – ам туькьуьлди тир. (Гьавиляй и чкадиз Марани лугьузва.) Инсанри Мусадилай рази туширвал малумариз хьана. «Чна вуч хъвада?» – хабар кьазвай абуру. Мусади Реббидиз ялвар авуна, ва Реббиди адаз тар къалурна. Мусади и тарцикай кӀарасдин са кӀус циз вегьена, ва яд хъун патал виже къведайди хьана. Ана Реббиди абуруз тагькимар ва къайдаяр гана, ана Ада абур имтигьандай акъудна.