Popular Bible Verses from Крар 20

Share

Ребби Исадин «Гузвай кас къачузвайдалай бахтлу я» лугьудай гафар датӀана рикӀел хвена, за вири крара ажузбуруз куьмек гана. Гьа икӀ, жуван къуватар гьайиф татана зегьмет чӀугуналди, куьнени гьа икӀ авуна кӀандайди за квез къалурна.

Амма заз жуван уьмуьр са квяйни аквазвач. Заз кӀанзавайди Ребби Иса Месигьди зал Аллагьдин берекетдикай шагьидвал ая лагьана ганвай тапшуругъ кар кьилиз акъудун я.

Пак Руьгьди Вичи квекай иманийрин суьруьдин чубанар авуна. Жувал ва Аллагьди Вичин Ивидалди кӀватӀай иманийрал вил алаз хьухь, абурув чӀуру крар ийиз тамир.

Исятда за куьн Аллагьдал ва Адан берекатдикай лугьузвай Гафунал аманатзава. И Гафунихъ куьн мягькемардай къуват ава, Аллагьди квез, Вичиз талукь виридаз, хиве кьурди гуда.