Popular Bible Verses from 2-Саланиквийриз 2

Share

Килиг гьа, куьн садани са жуьредани алцурариз тахьурай: Аллагьдивай къакъат тавунмаз, чалкечир ва терг жедай инсан пайда жедалди а югъ алукьдач.

Реббидиз кӀани стхаяр-вахар, чна куьн патал датӀана Аллагьдиз шукурна кӀанда, вучиз лагьайтӀа, хиласун патал Ада лап эвелдилай куьн хкянава. Ада куьн Руьгьдалди пак ийизва ва куьне гьакъикъатдихъ иман ийизва.

Ам аллагь тӀвар алай ва пак я лугьузвай гьар са куьниз акси жеда ва вич абурулай вине кьада. Ада гьатта Аллагьдин КӀвале чкани кьада ва вич Аллагь я лугьуда.

Къуй чи Ребби Иса Месигьди Вичи ва чун кӀан хьайи ва берекатдалди чаз даиман теселлини экуь умуд гайи чи Аллагь Бубади куь рикӀериз сабур гурай, куьн гьар са кардани гафуна мягькем авурай.

Гьавиляй ахьтин инсанриз, абур тапаррихъ агъун патал, гьакъикъатдин чӀалахъ тахьайбур ва таб кьабулайбур айибдайвал Аллагьди абурун кьил акадарда.

Чалкечир атун иблисдин кар я. Чалкечирди жуьреба-жуьре къуватар, тапан аламатар ва керемат-ишараяр къалурда, инсанар регьятдиз чӀалахъардай гьихьтин хьайитӀани тапарар туькӀуьрда, а инсанар гьакъикъат ва гьадалди хиласвал къачуз кӀан тахьайвиляй телеф жеда.

Чалкечирвилин чинебан къуват исятда кардик ква, амма сифтени-сифте ам кьуна акъвазарзавайди рекьелай элячӀун лазим я.