Popular Bible Verses from 1-ТӀиматӀеяз 1

Share

И гаф гьакъикъи я ва кьабулуниз лайих я: Иса Месигь и дуьньядиз гунагькарар хиласун патал атанвайди я, абурукай виридалайни чӀуруди зун я.

Амма Реббиди заз регьим авуна. Зун, гунагькаррикай виридалайни чӀуруди яз, Иса Месигьдиз Аллагьдин сабур гьихьтин чӀехиди ятӀа, заз къалуриз кӀан хьана. И кар акуна, масадбурни эбеди уьмуьр къачун патал имандал атурай.

И тӀалабунин макьсад михьи рикӀяй, дугъри намусдай ва сидкьи галай имандай къвезвай муьгьуьббат я.

ГьакӀ тирвиляй къуй даиман Пачагьдиз, рекьин тийидай, таквадай ва сад Аллагьдиз даим яз аферин ва шукур хьурай! Амин.

Чаз гьакӀни чида хьи, Къанун гьахъ-михьибур патал ваъ, ам чӀурзавайбур патал, табий туширбур патал, асибур патал ва гунагькарар патал, са затӀни пак яз такьазвайбур патал ва чалкечирбур патал, чпин бубадин ва я дидедин уьмуьрдал гъил хкажзавайбур патал, ивикъичар патал, явавилиз кьил янавайбур патал, чпи чпиз гъуьл-пабвалзавай итимарни папар патал, инсанар чуьнуьхна лукӀвилиз маса гузвайбур патал, тапрукьар патал, тапан кьинер кьазвайбур патал ва дуьзгуьн тербетдиз аксивалзавайбур патал