Popular Bible Verses from 1-Саланиквийриз 4

Share

Ахпа чунни, яни чан аламукьайбур, абурухъ галаз санал, гьавада Реббидин къаншардиз фин патал цавун циферал хкажда, гьа чӀавалай чун датӀана Реббидин патав жеда.

Вучиз лагьайтӀа къати эверди, кьилин малаикдин ванци ва Аллагьдин къаргъуди ван ийидай чӀавуз цаварилай Ребби Вич эвичӀда, ва Месигьдихъ ийизвай иман гваз кьейибурал сифте чан хкведа.

Аллагьдиз куьн пак хьана кӀанзава. И кар патал куьне куьн явавиликай хуьх; квекай гьар сада паквилелди ва лайих хвена куь бедендал агъавал ая.

Чун чӀалахъ я хьи, Иса кьена ва Адал чан хтана, ва гьавиляй Исадихъ ийизвай иман гваз кьейибурни Аллагьди Исадихъ галаз санал Вичин патав хутахдайдахъ чун чӀалахъ я.

Куь уьмуьрда иман гвачирбурун патай гьуьрмет къачун патал ва квез са куьникайни дарвал тахьун патал, чна квез виликдайни лагьайвал, гьар сада жуван кар ийиз ва жуван гъилералди кӀвалахиз, намус гваз уьмуьр тухуз алахъа.

ГьикӀ лагьайтӀа, Аллагьди чаз мурдарвилихъ ваъ, пак уьмуьрдихъ эвер ганва.