Popular Bible Verses from 1-Каринфвийриз 15

Share

Гьавиляй, зи кӀани стхаяр-вахар, кӀевиз акъваз. Са куьнини куь рикӀе шак туна кӀандач. Куьне датӀана Аллагьдиз къуллугъ авунин рекье агалкьунар къачу ва куь зегьмет Ребби патал гьаваянди туширди чир хьухь.

Амма Аллагьдиз шукур хьурай! Ада чи Ребби Иса Месигьдин куьмекдалди чаз гъалибвал гузва!

Килиг, куьн алцур жедайвал тахьуй: «Пис кӀватӀалди хъсан адетар чӀурда».

Амма Аллагьдин берекатди гайивал зун вуж ятӀа гьам я, Адан берекат зак нагьакьанди хьанач: за амайбурулай гзаф зегьмет чӀугуна, яни за ваъ, захъ галай Аллагьдин берекатди.

«Я ажал, ви гъалибвал гьинава? Я ажал, ви мизмиз гьинава?» Ажалдин мизмиз гунагь я, гунагьди къуват Къанундивай къачузва.

Яб це, за квез исятда сир ахъайда: чун вири рагьметдиз фидач, амма вири чун садлагьана, вил кӀевна ахъайдалди, эхиримжи къаргъудин ван акъатайла, дегишарда. Къаргъудин ван акъатдайла, кьейибурал члаф тежедайвал чан хкведа, чун лагьайтӀа, дегиш жеда.

И дуьньядиз ажал са касдалди гьикӀ атанатӀа, гьакӀ са Касдалди кьейидалай кьулухъ чан хтунни атана. Вучиз лагьайтӀа Адамаз талукьбур вири гьикӀ рекьизватӀа, Месигьдиз талукь виридал гьакӀ чан хкведа.

Члаф жедай кьван вири члаф тежедайдаз элкъуьн лазим я, ажал галай кьван вири – рекьин тийидайдаз.

Аллагьди вири душманар ярхарна Месигьдин кӀвачерик вегьидай вахт къведалди, Месигьди пачагьвал авуна кӀанда. Тергна алуддай эхиримжи душман ажал я.