Popular Bible Verses from TAGA ROMA 8

Share

Ket ammotayo a dagiti amin a banbanag agtitimpuyogda nga agaramid a maipaay iti pagimbagan, dagiti agayat iti Dios, dagiti naayaban cas iti panggepna.

Ta diac duaduaen nga uray ni patay, uray ti biag, uray dagiti angel, uray dagiti pagturayan, uray dagiti banbanag nga agdama, uray dagiti banbanag nga umayto, uray dagiti pannacabalin, Uray ti nangato, uray ti nababa, uray aniaman a sabsabali a parsua, didatay mabalinto nga isina iti ayat ti Dios, nga adda ken Cristo Jesus nga Apotayo.

Casta met a ti Espiritu tulungannatayo iti kinacapuytayo; ta ditay ammo no casano ti panagcararagtayo a cas maiparbeng: ngem ti Espiritu met laeng ibabaetnatayo, a buyugen dagiti ununnoy a dimayebcas

Ania ngarud ti sao-entayonto cadagitoy a banbanag? no ti Dios adda a bumuyog cadatayo, siasino ti bumusor cadatayo?

Awan ngarud ita ti aniaman a pannacadusa a maipaay cadagiti adda ken Cristo Jesus

Ta ti nakem a linalasag isu ti patay; ngem ti nakem a naespirituan isu ti biag ken talna

Saan, no di ket cadagitoy amin a banbanag agbal-ligitayo, pay a naananay, gapu iti daydiay nagayat cadatayo.

Ta pagarupec a dagiti sagsagabaen itoy agdama nga aldaw saanda a maicari nga ipadis iti dayag a maipanayagto cadatayo.

Siasino ti mangisinanto cadatayo iti ayat ni Cristo? tinto ladingit? wenno ti rigat? ti pannakaidadanes? wenno ti bisin? wenno ti kinalamolamo? wenno ti peggad? wenno ti campilan?

Ngem ti mangsukimat cadagiti puspuso ammona no ania ti tarigagay ti Espiritu; gapu ta isu ibabaetna dagiti sasanto cas iti pagayatan ti Dios.

Ta dagup amin nga idalan ti Espiritu ti Dios, isuda dagiti annac ti Dios

Ta dagiti umannurot iti lasag, panunutenda dagiti linalasag; ngem dagiti umannurot iti espiritu, panunutenda dagiti banbanag a naespirituan.

Daydi saan a nangipaidam iti Anacna met laeng, no di ket inyawatna gapu cadatayo amin, dina aya iparaburto cadatayo dagiti amin a banbanag a mairaman kencuana?

Ti Espiritu met laeng panecnecanna cadagiti espiritutayo, a datayo annacnatayo iti Dios: Ket no annac, agtawid met, agtawid iti Dios, ken makipagtawid ken Cristo, no casta makipagsagabatayo kencuana, tapno makipaggloriatayo met kencuana.

Agsipud ta ti nakem a linalasag maibusor iti Dios; ta saan a paiturayan iti linteg ti Dios, ket dina met cabaelan a pulos

Ta ti nasged a tarigagay ti sangaparsuaan ur-urayenna ti pannacaiparangarang dagiti annac ti Dios.

Ta ammotayo a ti sangcaparsuaan agsasaibbecda ken agrigrigatda iti panagpasngay a sangsangcamaysa agingga ita.