Popular Bible Verses from TAGA ROMA 11

Share

Ta dagiti amin a banbanag agtaudda kencuana, gapu kencuana ken maipaayda kencuana. Madaydayaw coma iti agnanayon. Amen.

O nagunegen dagiti kinabacnang ti sirib ken ti met pannacaammo ti Dios! ania ketdin ti saan a pannacatucod cadagiti pakinakemna; ken ti saan a pannacasukimat cadagiti cadawyanna!

Ta siasino ti nacaammo iti panunot ti Apo? wenno, siasino ti nangbalbalacad kencuana?

Casta met ngarud, ita a pannawen adda natidda a cas iti pannacapili gapu iti parabur. Ket no gapu iti parabur, saanen a gapu cadagiti ar-aramid: ta no saan, ti parabur saanen a parabur.

Ngem no dagiti dadduma a sangsanga nasip-acda, ket idinto a maysaca nga olivo nga atap naisulbongca iti puonda, ket makipagtaraonca cadacuada iti ramut ken kinalucmeg ti puon ti olivo; Saanmo a pagtangsitan dagiti sangsanga: ngem no agtangsitca, saan a sica ti mangtaraon iti ramut no di ket ti ramut ti mangtaraon kenca.