Popular Bible Verses from DAGITI PROVERBIO 28

Share

Ti mangabbong cadagiti salungasingna dinto rumang-ay; ngem ti mangipudno ken mangbaybay-an cadacuada maragpatnanto ti caasi.

Ti agcammatalec iti pusona met laeng maag; ngem uray siasino a magna a nainsiriban maispalto.

Dagiti nadangkes agtalawda idinto nga awan ti tao a mangcamat, ngem dagiti nalinteg situturedda a cas leon.

Nagasat ti tao a sibubuteng a cancanayon iti dakes ngem ti mangipatangken iti pusona matuangto iti pacadadaelan.

Ti mangted iti napanglaw dinto macurangan; ngem ti mangilinged cadagiti matana adunto ti pannacailunodna.

Ti mangtubngar iti tao adadunto a parabur ti masaracanna iti calpasanna, ngem ti mangpasablog babaen ti dilana.