Popular Bible Verses from MATEO 7

Share

Agdawatcayo, ket maiccancayto; agsapulcayo ket macasaraccayto: umawagcayo ket mailucatancayto.

Ta ti siasinoman nga agdawat umawat; ket ti agsapul macasarac; ket ti umawag mailuctanto.

Siasinoman ngarud a dumngeg cadagitoy a saoc ket aramidenna ida, maipadisto iti maysa a tao a manakem a binangonna ti balayna iti rabaw ti bato

Gapuna, amin dagiti banbanag a cayatyonto nga dagiti tattao aramidenda coma cadacayo, casta met ti aramidenyo cadacuada; ta daytoy isu ti linteg ken ti sinao dagiti mammadto.

Ta nailet ti ruangan ken akikid ti dalan a mangiturong iti biag ket nataccon dagiti macasarac kencuana.

Sumreccayo iti ruangan a nailet; ta acaba ti ruangan, ken nalawa ti dalan a mangiturong iti pacadadaelan, ket adu dagiti sumrec kencuana.

Ngarud no dacayo, idinto a dakescayo, ammoyo ti mangted cadagiti nasayat a sagsagut cadagiti annacyo, Saan aya a nangnangrona pay ni Amayo nga adda sadi langit, a mangtedto cadagiti nasayaat a banbanag cadagiti agdawat kencuana?

Dicay agipato tapno dicayo maipato. Ta iti panangipato nga aramidenyo, casta met ti pannacaipatoyonto ket ti rucod a pangrucodyo, isu met ti pacarucodanyonto.

Ket amin a macangngeg cadagitoy a saoc ket saanna ida nga aramiden, maipadisto iti maysa a tao a maag, a binangonna ti balayna iti rabaw ti darat.

Ket. Apayapay matmatam ti puling nga adda iti mata ni cabsatmo, ket dica mabigbig ti pasanggir nga adda iti matam met laeng? Wenno. Casano ti panagcunamto ken cabsatmo: Agurayca, iccatec ita matam ti puling, ket adtoy, ti maysa a pasanggir iti matam?

Agaluadcayo cadagiti naulbod a mammadto nga umayda cadacayo a nacacawes a cas la carnero, ngem iti unegda loboda a narawet. Mailasinyonto ida gapu cadagiti bungbungada. Adda aya uvas a maala cadagiti calcalunay, wenno higos cadagiti cascasumba?

Iti casta, tunggal cayo a nasayaat, mangted bunbunga a nasayaat, ngem ti cayo a dakes, mangted bungbunga a dakes.

Ti nasayaat a cayo saanna a mabalin ti mangted bungbunga a dakes, casta met ti cayo a dakes di met macaited ti bungbunga a nasayaat.

Tunggal cayo a saan a mangted ti bunga a nasayaat, mapucan ket maisungrod iti apuy.