Popular Bible Verses from MGA SALMO 34

Share

Ang GINOO malapit sa mga boong sing tagiposoon, kag nagaluwas sang mga mahinulsulon sa espiritu.

Ginpangita ko ang GINOO, kag ginsabat niya ako, kag ginluwas niya ako sa tanan ko nga kahadluk.

Madamu ang kapipit-an sang matarung; apang ang GINOO nagaluwas sa iya sa sini tanan sa ila.

O tilawi kag tan-awa nga maayo ang GINOO! Bulahan ang tawo nga nagadangup sa iya!

Nagtolok sila sa iya, kag nagkasadya; kag ang ila mga nawung indi mahuy-an.

Ang matarung nagtuaw, kag ang GINOO nagpamati, kag nagluwas sa ila sa tanan nila nga kalisdanan.

Ang manugtunda sang GINOO nagpahamtang sing dologan sa palibut sang mga nagakahadluk sa iya, kag nagaluwas sa ila.

Palayo ka sa malaut, kag himoa ang maayo; pangitaa ang paghidait, kag sondon ini.

Andami ang imo dila gikan sa malaut, kag ang imo mga bibig gikan sa pagpamolong sing limbong.

Ang mga mata sang GINOO yara nayon sa mga matarung, kag ang iya mga idulungug bukas sa pagtuaw nila.

O pakadakua ang GINOO upud sa akon, kag magpakataas kita sang iya ngalan!