Popular Bible Verses from MGA SALMO 119

Share

Ang imo polong suga sa akon mga tiil kag kapawa sa akon banas.

Ang imo polong gintipigan ko sa akon tagiposoon, agud nga indi ako makasala batok sa imo.

Sa ano bala ang pamatan-on nga lalaki magpaninlo sa iya dalanon? Sa pagtalupangud dira sono sa imo polong.

Bulahan ang mga nagabantay sang iya mga pagpamatuud, nga nagapangita sa iya sa bug-os nga tagiposoon

Ikaw ang akon palanagoan kag akon taming; nagalaum ako sa imo polong.

Hatagi ako sing paghangup, agud nga bantayan ko ang imo kasogoan kag tumanon ko ini sa bug-os ko nga tagiposoon.

Pahuyuga ang akon tagiposoon sa imo mga pagpamatuud, kag indi sa pagkamahamkonon!

Maayo sa akon nga ginpapiotan ako, agud nga makatoon ako sang imo mga palatukuran.

Ini amo ang akon kalipay sa akon kapipit-an kay ang imo polong nagbuhi sa akon.

Palakta ako sa banas sang imo mga sogo, kay dira may kalipay ako.

Tudloi ako, O GINOO, sang dalanon sang imo mga palatukuran; kag bantayan ko ini tubtub sa katapusan.

Ang akon kalag nagakatunaw tungud sa kabug-atan; pabaskuga ako sono sa imo polong!

O daw ano ang paghigugma ko sang imo kasogoan! Pamalandongan ko ini sa bug-os nga adlaw.