Popular Bible Verses from MGA HULUBATON 3

Share

Salig sa GINOO sa bug-os mo nga tagiposoon, kag dili magsandig sa imo kaugalingon nga paghangup. Sa tanan mo nga dalanon kilalaha sia, kag magatuytuy sia sa imo mga banas.

Dili ka magpakaalam sa imo kaugalingon nga mga mata; kahadluki ang GINOO, kag talikod sa malaut.

Padunggi ang GINOO sang imo mga pagkabutang kag sang nahauna nga mga bunga sang tanan mo nga patubas; gani ang imo mga damisag pun-on sang kabuganaan, kag ang imo mga linasan magaawas sing bag-o nga alak.

Indi magbiya ang kalolo kag ang kamatooran sa imo; ihigot sila palibut sa imo liog, isulat sila sa tapitapi sang imo tagiposoon.

Anak ko, dili pagtamaya ang disiplina sang GINOO kag dili magkataka sa iya pagsabdong, kay sia nga ginahigugma sang GINOO ginabadlong niya, subong sang amay sa anak nga sa iya nagakahamuut sia.

Anak ko, indi pagkalimti ang akon kasogoan, kondi magbantay ang imo tagiposoon sang akon mga sogo; kay ang kalawigon sang mga adlaw kag katuigan sang kabuhi kag ang paghidait idugang nila sa imo.

Bulahan ang tawo nga makakita sing kaalam, kag ang tawo nga makaagum sing paghangup, kay ang pagdaug sini maayo pa sang sa pagdaug sang pilak kag ang kapuslanan sini sang sa bulawan nga bus-og. Bilidhon pa sia sang sa mga rubi, kag wala sing bisan ano sang mga butang nga imo mahandum mapaanggid sa iya.

Dili pagpunggi ang maayo gikan sa ila sa diin naigo ini, kon ini yara sa gahum sang imo mga kamut sa paghimo sini.

Ang GINOO tungud sa kaalam nagtukud sang duta; tungud sa paghangup ginpalig-on niya ang mga langit